Беларускі народны лялечны тэатр. Аднапавярховая, двухпавярховая і трохпавярховая батлейка. Драматургія батлейкі: сцэны і песні рэлігійнага зместу, містэрыяльна драма Цар Ірад і народныя інтэрмедыйныя сцэны. Мастацтва батлейкі як мастацтва сінтэтычнае.
Аннотация к работе
БАТЛЕЙКА (ад Betleem польская назва г. Віфлеема, паводле біблейскага міфа месца нараджэння Хрыста), беларускі народны лялечны тэатр. Тэатр батлейкавага тыпу ў розных рэгіёнах Беларусі меў назвы яселка, батляемка, остлейка, жлоб, вяртэп. Гэта тлумачыцца тым, што першапачатковы яе рэпертуар складаўся пераважна з паасобных біблейскіх сюжэтаў, інсцэнізацыя якіх была падрыхтавана ў значнай ступені містэрыяльнымі спектаклямі жывых акцёраў. У канцы XVII - пачатку XVIII ст. батлейка ад шкаляроў і семінарыстаў трапляе ў рукі местачковых рамеснікаў, а пазней і працоўных сялян. Звычайна батлеечнікі былі таленавітымі акцёрамі-самародкамі.